وش رايك في صديقه تكون معك كل وقت وتفهمها وتفهمك ؟

Posted: أغسطس 31, 2010 in رومأنسيآتيُ " تعآلوا نتعلم الرومانسياتٌ "

السلام عليكم

مساءكم ورد وبخور حبايبي وكل عام وانتم بخير ياارب . .

 اخوي المتزوج .

 وش رايك في صديقه تكون معك كل وقت وتفهمها وتفهمك ؟

 جربت ودورت يمين ويسار وحست الدنيا بس بالاخير وش حصلت ؟

كل وحده تقول مااعرف غيرك وتعرف غيرك عشره احتياط وراح تتعب وراهم خصوصا بنات هاالوقت . .

 انت عندك صديقه صدوقه مهما لفيت العالم ترجع لها بضيقتك وحزنك وفرحك بس يمكن ماانتبهت لها او ماحسيت لكن انا احسسك واقولك . زوجتك حبيبة قلبك . ترى هي اروع صديقه بالدنيا اذا عرفت كيف تصادقها يااخي قبل تكون زوجتك خلها صديقه لك اذا تحب تصادق بنات غيرها جرب وش حلاة الصداقه معها وقتها تعرف طعم الزواج صدقوني اللي ماصادق زوجته اعتبره للحين ماتزوج الزوجه حبايبي مهوب حمل وتفريخ وطبخ وتنظيف الزوجه حب ودلع تدلع عليك وتدلعها تعزمها وتعزمك كل مكان تروحون له اي وقت تقول لك طفشانه قلبو ابي اطلع تطلعون تتمشون تغيرون جو ويدك بيدينها تغازلها من بعيد تغمز لها تدللعها ياحلو كشختك بعباتك ياحلو ريحتك من بعيد تجنن حبيبتي تدلعها تقول ااخ منك يابنت اللذينا عليك كشخه ورزه تهبل روحي بعيد وانا بغازلك خلينا نستانس لاحقها من مكان لمكان وارمي رقم جوالك عليها وقل لها تدلعي جننيني لاتاخذينه بسرعه وهي تسوي نفسها بتاخذه ويشوفها احد وتتركه وانت تلاحقها ااااااااهـ منك جننتيني يالله دلبو خوذيه بسرعه هبلتي فيني . . حركات لها طعم للي يفهمون الحياة الزوجيه للي يفهم وش معنى انثى للي يعرف كيف يريح زوجته نفسيا خلونا نقلل من حالات الطلاق اللي تبكي وربي من كثرها عيشو حياتكم زي ماتحبون لاتطالعون فلان وعلان ولا فلانه وعلانه اتركو شي اسمه عيب مافيه عيب بين كل زوج وزوجته العيب والله انك تهملها وتطنشها هاتي الغداء سوي شاهي وش فيك نايمه للحين وش فيك لابسه كذا وشوله تروحين للسوق وش ناقصك غلط ورب البيت الاسلوب حبايبي بالتفاهم والاتيكيت بينكم له طعم ويخلي حياتكم روعه ويخلي زوجتك خاتم باصبعك اي شي تطلبه منها تقولك سم يانظر عيني لبيه ياامي وابوي انت تامر حبيبي عيوني لك تلاقيها خدامتك بس بشرط تعرف كيف توصلها وتريح قلبها ونفسيتها وتحسسها بحبك وصداقتك لها . هل لو سويت لها اللي قلت لك بطنشك ولا تشوف منها شي مايرضيك ؟ ولا تشوفها قمر في بيتها نظيفه وبيت مرتب وكشخه لبس ودلع وطبخ سنع وريحة بخور جرب تحضنها وانت داخل وطالع زياده على اللي قلت لك تسويه يالبى الحضن وحلاته وطعمه مدري شلون بعض الناس يصبرون عنه ؟ والله للحين اللي ماجربه احس انه ضايع نص عمره وماجرب طعم الانثى وحنانها وضمتها وهـ بس وهـ . لاتحرمون انفسكم صداقة زوجاتكم وازواجكم والله لها لذه لاتقاوم . تحياتوو قلبووو لكم كلكم

تعليقات
  1. بشرى كتب:

    هههههههههه
    حبيتها سالفة الرقم وتخيل في وسط كل هذا
    شوي الا ماسكتنا الهيئه .. ههههههههه

    ربي يخليك ولا يحرمك من زوجتك

  2. امل كتب:

    ههههههههههه بس صراحتن حلووووووة ما شاء الله

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار وردبرس.كوم

أنت تعلق بإستخدام حساب WordPress.com. تسجيل خروج   /  تغيير )

Google+ photo

أنت تعلق بإستخدام حساب Google+. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s