دلع زوجتك !!

Posted: سبتمبر 2, 2010 in رومأنسيآتيُ " تعآلوا نتعلم الرومانسياتٌ "

مساء الورد والفل والياسمين والنرجس والبخور وكل انواع العطور
شخباركم حبايبي ؟
اممممم

.
موضوع اليوم عن الزوج
.
حبيبي الزوج

.

لماذا لا تتجمل وتتزين لزوجتك ؟
وش المانع ؟
عشان رجل ماتتزين ؟
حبيبي
مثل ماتبي من زوجتك انها تتزين وتتعطر لك
اهي مثلك تبغى !!

.
حبيبي الزوج

.
اول ماتجي من دوامك وقبل انك تسوي اي شي
افصخ ملابسك وخذ لك دش معتبر
وتعطر
والبس لبس زين لزوجتك ( يفضل قصير وخفيف ) مو تجي معفن من الحر وريحتك
طالعه وماتصدق توصل البيت تفصخ وهدومك وتقعد بملابسك الداخليه وتروح قاعد
معصب وحالتك حاله
وتقوم تنادي ( يامره هاتي الغداء ) !!!

نقرتين لعرض الصورة في صفحة مستقلة
اي حبيبي
عاملها زي ماتبي انها تعاملك
مواهى من دم ولحم واحساس ومشاعر ؟
يااخي راعي شعورها
احترمها
اول ماتجي تحمم واتنظف والبس شي تحبه
لا تلقى منك الا ريحه طيبه ونفس زكي ولبس حلو
احرجها بنظافتك وعطرك ( جننها )
بوسها من شفايفها على خفيف او على راسها
قل لها ( اشتقت لك ) نقرتين لعرض الصورة في صفحة مستقلة
لاتعاملها كأنها وحده من موظفينك او عمالك
لاترمي هموم عملك عليها
حسسها بحبك وانك مانسيتها طول اليوم
اذا كنت تدخن حاول انك ماتدخن داخل البيت وخلي ريحته دايم عود
احلق ذقنك ونعم وجهك كل يوم
واذا في وجهك شيب اصبغ يااخوي مافيها شي
تجمل لزوجتك
فيه ناس مايتشيكون او يتزينون الا اذا راحو السوق
كانهم يعاندون حريمهم ونسوي زي ماتسوون اذا رحتو عزيمه او زواج
الحياة ماهيب عناد يااخوان
اتغدى معها وسولف لها عن يومك وايش المواقف اللى صارت لك بطريقه مرحه
اذا كان عندك وقت اطلع معاها بالليل تمشو او امشو سوو رياضه
وعلى فكره الرياضه مفيده وخصوصا المشي السريع
فوائده على الازواج مبهره
مريح للنفس
مهدي للاعصاب
يجعل الانسان اكثر مرح
يزين من اخلاقيات الشخص ( تكون اخلاقه مع الناس حلوه )
وفوايدها اكثر مما تتصورون
بعد كذا تعشو في مطعم وجبه خفيفه كل من يدينها وخلها تاكل من ايدينك
او خذه من فمها اطعم واحلى
صدقوني وربي حركات تحبها المرأه وتعيشش فوق الخيال
لان المرأه خيالها ماله حدود وقمة الرومانسيه
وهي مثل الشجره المثمره اسقيها بحنانك تعطيك ثمر احلى من العسل
جربو وش يضركم
صدقوني راح حريمكم يريحونكم وربي
وسامحوني

تعليقات
  1. SuLTaN كتب:

    اشكرك على هذا الطرح الرائع

    الشعب السعودي محتاج لزيادة ثقافة جنسية هذا من جانب

    الجانب الثاني وهو تعليم الرجل احترام المرأة وتقديرها وزي ماتفضلت هذا طبع كثير من الشعب

    السعودي إلا من رحم ربي

    يدخل البيت يهاوش يطلع يهاوش

    في الاستراحة مع الشباب فله وضحك

    وإذا جاه تلفون منها قال وش تبين؟!!!!!!!!!!!

    هذي زوجتك اقرب لك من اصحابك بس العوض على الله سبحانه

    وإذا قال للشباب اللي جالس معاهم عن اذنكم عندي البيت

    شبوا عليه يالخوااااف تخاف من الحرمه …… الخ من الكلمات التي تجرح الرجل

    وتضعه موضع الخجل

    سامحني على الاطلالة

    وتقبل مروري

    أخوك ومحبك سلطان

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار وردبرس.كوم

أنت تعلق بإستخدام حساب WordPress.com. تسجيل خروج   /  تغيير )

Google+ photo

أنت تعلق بإستخدام حساب Google+. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

w

Connecting to %s