ام الركب السود انتي يانوره وسارهـ والعنود

Posted: سبتمبر 25, 2010 in حيأتكمٌ الزوجيهُ

 

اكيد العنوان يقهر صح ؟
.
.
اممممم
.
.

اول شي صباحكم ومساءكم ورد
ثاني شي ماكتبت هالموضوع الا من القهر وربي من هالمبزره اللي مرتزه بالمنتديات وام ركب سود وام ركب سود
طيب يابزر انت وياه ام ركب سود مهيب امك واختك وزوجتك ؟
وبعدين وش ركب ؟
يعني قاعد تدور شي ناقص انت وخشتك ؟
ماتشوف وجهك كنه قوطي معفوس ومصدي من الشمس
قبل تعيب رح عدل نفسك انت وخلاقينك وشكلك اللي كنك طالع من قبر
.

.
.
عارفين وش مشكلتنا ؟
اللي قاعدين يكتبون ويحشون كلهم مبزره اعمارهم من 16 الى 23 ومايدرون وش السالفه
والمصيبه الاكبر ان فيه ناس حاقده تدخل بمعرفات سعوديين ويكتبون هالكلام لغرض في انفسهم عشان يطلعون قدام بناتنا انهم غير
وانهم رومانسيين ومن هالخرابيط وهذا اللي صاير
والمشكله الاكبر عندنا حنا بالذات ان ( مزمار الحي لايطرب ) وتلاقوننا بس مبققين عيوننا قدام هالقنوات وش وش زين هذي وشف وش حلو جسم هذي
مع ان اللي يقول تلقونه عنده قمر بالبيت بس ماعرف كيف يعاملها او على قولتهم ضمنها خلاص
طيب وش ذنبها اذا قلت شوفس هذي وش حلوها ؟ طيب لو قالت لك شف وش حلو هذا وش موقفك ؟ والله ان تنهبل وتطلع عيونك شبر وتسب وتلعن
طيب راع شعورها انها انثى مالها حيله عيب والله عيب
وبعدين لاتنغرون ترى كل اللي تشوفون مكياج وشعر ورموش ومؤخرات تركيب وشفنا شلون حليمه بولند انكشفت وطلعت كلها تركيب واصباغ وهذا عينه من الكثير
طيب لو زوجتك سوت مثل حليمه وركبت وحطت مكياج وباروكه واصباغ ورموش واظافر تركيب وجت عندك توريك وش راح تقول ؟
اكيد بتقول وش انتي حاطه استحي على وجهك وش هالخرابيط مع انك قاعد تقزقز وحده نفس الشي مسويه طيب وش معنى زوجتك لا ؟
شي يقهر ويموت قهررررر ليش حنا كذا ؟
ليش بس نعايب بحريمنا وبناتنا يعايرون شبابنا مع ان الزين والملح والقبله عندنا سواء شباب او بنات ؟
معناته فيه جهات تشوه سمعتنا سواء من اصحاب منتديات يبون اثاره على حسابنا او زي ماقلت ناس تعيش معنا مو من جنسيتنا تبي تشوه سمعتنا لغرض يدورونه
الى متى وحنا ركب واكواع سود ؟
ياناس والله لو تلفون العالم ماتلقون زي بناتنا ملح وقبله ورومانسيه
صحيح برا فيه جمال لكن بدون اهم شي وهو الملح
تشوفون اشكال ورزه بس بدون اخلاق وبدون نظافه ريحة الوحده منهم من بعيد مقرفه
تدرون ان اكثر بنات العالم يبحث عن الموضه او عالم الجمال هم بناتنا
تدرون ان اكثر ناس ناس تستهلك عطور هم بناتنا وشبابنا
طيب وش مشكلتنا اللي تخلينا بس نحش في بعضنا قدام اللي يسوى واللي مايسوى ؟
ليش المنتديات الخليجيه والعربيه مايعرفون هاالشي وماتصير بينهم هالمشاكل ؟
يعني فيني خلل والسبب اتوقع اننا اكثر دوله فيها مراهقين سواء شباب او شابات وكل بيت فيه انترنت وفيه جميع وسائل الاتصال مع فراغ وهذا اللي خلاهم بس يتناقرون
وبالاخير ابو خلاقين تزوج ام ركب سود وطلعنا بلا فايده ولا نتيجه من هالخرابيط
والواننا من ركب وغيره من هالجو اللي كل يوم يتقلب 4 مرات بعذرنا والله للحين عايشين
ويارب نترك هالخرابيط ونصير حبايبي زي باقي خلق الله اامين يارب
.
.
نصير المرأه

تعليقات
  1. بشرى كتب:

    الله عليك ياخوي الله عليك
    لله درك كفيت ووفيت وماخليت شيء ماقلته
    وخاصه في هالموضوع …

    والمشكله ان هاللي يتغشمر ويتشرط ويعايب مايطيح الا في اللي ادمر
    ربي يبلاه الشكوى لله .. نفوس مريضه

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار وردبرس.كوم

أنت تعلق بإستخدام حساب WordPress.com. تسجيل خروج   /  تغيير )

Google+ photo

أنت تعلق بإستخدام حساب Google+. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

w

Connecting to %s